<<
>>

ПРОЕКТ ДОГОВОРА СМОЛЕНСКА C НЕМЦАМИ ПОЛОВИНЫ XIlI BEKA

Печатается по изданию Русско-Ливонские акты, стр. 451—453.

A рядъ мои съ Немьци таковъ: Аже боудоуть мои Смолняне въ Ризѣ, вольное търгование имъ въ Ризѣ. Аже боудоуть Смолняне на Гътьскомь бѣрѣзѣ, вольноетъргованиеимъ на Гътьском бѣрѣзѣ.

Аже боудоуть Немь­ци въ моемь Смольскѣ, вольное имъ търгование въ моемь Смольньскѣ. A мѣста на корабли вольная, како Немѣчичю, тако и Смолняниноу. Аже оубьютв моужа вольного, тъ выдати розбоиникы, колико то ихъ боудѣть было; не боудѣть розбоиниковъ, то дати за головоу 10 гривенъ сѣрѣбра. Аже оубьють посла или попа, то двое того дати за головоу; аже не будѣть розбоиниковъ, боудоуть розбоиници, выдати e. Или кто выбиеть око чело- вѣкоу, или ногоу ототнеть, или роукоу ототьнеть, или иноую хромотоу въ тѣлѣ оучинить, 5 гривенъ сѣрѣбра платити, а зазоубъ 3 гривны сѣрѣбра. Или человѣкъ человѣка дѣрѣвъмь оударить до кръви, или по лицю оуда- рить, а дати емоу 3 гривны сѣрѣбра. Или человѣкъ ранить мечемь или но- жемь, а хромоты на тѣлѣ его не боудѣть, дати емоу 3 гривны сѣрѣбра. Или Роусьскомоу гъстьи притьчася пригодить въ Ризѣ или на Гътьскомь бѣрѣзѣ, йикакоже его въ дыбоу въсадити. Аже боудѣть пороука по нь, на ,пороуцѣ его дати; или не боудѣть пороукы, а въ желѣза и въсадити. Или Русьскыи гъсть свои тъварьдасть в дългъ в Ризѣ или на Гътьскомъ бѣрѣ- (зѣ) Немьчичю, а нъ дъдълженъ боудеть инемъ, Роусьскомоу же гъстьи наперѣдѣ възяти. Цли Немьчьскыи гъсть въ дългъ дасть Смолѣньскѣ свои тьваръ Роусиноу, аче дълженъ боудѣть инѣмъ, Немѣчьскомоу гъстьи напѣрѣдѣ възати. Аже боудѣть владыцѣ или мастерови или которомоу соудьи гнѣвъ на которого Немьчица, а въсхочети и казнити, а боудѣть тотъ дълженъ Немьчиць Смолияииноу, перѣже дати емоу тъваръ Смолняни- ноу, а въ проче его воля.
Аже Смолнянинъ тъваръ дасть въ Ризѣ или на Гътьскомь бѣрѣзѣ, а не росплативъ ся поидѣть къ богови, а кто его задь- ницю възметь, тътъ и гостиныи тъваръ.дасть. Аже боудѣть търговати Смолняниноу съ Немьчицемь, Смолняниноу одинѣхъСмолнянъ на послоушь- ство не выводити. Такоже и Нѣмьчицю своихъ Немѣчь одинѣхъ на послоу* шестьво не выводити; ставити имъ на послоушьство Роусииа же Нѣмьчица, такоже и въ всѣхъ тяжахъ рядъ Смолняниноу съ Немьчицемь про послоу? шьство. Немьчичюже въ Ризѣи наГътьскомьбѣрѣзѣСмолнянина нажелѣ- зо безъ его воле не лзѣ имати; оулюбить своею волею иести желѣзо, тъ ть его воля виноватъли боудѣть, своя емоу воля, или правъбоудѣть, а 10 гри* венъсѣрѣбразасоромъемоувъзяти. Немьчичю же не льзѣ позвати на поле Роусина битъ ся въ Ризѣ и на Гътьскомь бѣрѣзѣ, Роусиноу же ие льзѣ позвати Немьчича на полебитъся Смоленьскѣ. Тако межи себе оустановимъ. Оже имоуться бити Роусь въ Ризѣ и на Гътьскомъ берѣзѣ мечи или соули- чами, или иная тяжа оучинить ся межи самѣми, не надобѣ то владыцѣ, ни иномоу соудьи Немьчьскомоу, ать оуправять ся сами по Своему соудоу; такоже и Немьчемъ Смольньскѣ. Оже который Немьчиць въ Ризѣ или на Гътьскомь бѣрѣзѣсвяжетьСмолнянина, или въ желѣза въсадить, засоромъ ему платити 3 гривны сѣрѣбра; такоже и Немьчицю Смолиньскѣ. Аже боудеть Смолняниноу Немьчичь дължьнъ въ Ризѣ или на Гътьскомь бѣрѣ- зѣ, правити емоу, поемъши дѣтьскыи oy соудье. Тътъ ли дѣтьскыи не исправить, возма мьздоу, приставити на нь дроугого, тъть ли еметь хытри- ти, а поставити и передъсоудьею, ать выдасть и соудья. Такоже и Немъчи- цю Смолиньскѣ поставить и передъ княземь, ать выдасть и князь. Аже кто изотьметь дължь бита oy Смолянина въ Ризѣ или на Гътьскомь бѣрѣзе, то томоу за нь платити, кто и изетялъ; такоже и Нѣмьчемъ Смольиьскѣ.
A от Смолѣньска чистыи поуть до Ригы, а не надобѣ имъ ни вощецЬ ни мы­то, а на Волоце, како то есть пошло. A моимъ Смолняномъ въ Ризѣ и на Гътьскомь бѣрѣзѣ не надобѣ имъ ни вощець ни мыто. Аже Немьчиць коупить въ Ризѣ и на Гътьскомь бѣрѣзѣ oy Смолнянина товаръ, понесеть его домовь, а въсхочеть воротити, Смолняниноу же тътъ тъваръ не надобе боле; такоже и Немьчичю Смоленьскѣ. Оже боудѣть Смолняниноу с Немь- чичемь тяжа в Ризѣ, тоу ся тяжють передъ Рижъс.кымь соудьею; боудѣть ли тяжа Смолняниноу съ Немъчицемь на Гътьскъмь березѣ, а соудити и Гътьскымъ соудьямъ, тоу то и тяжи и коньць; боудѣть ли тяжа Смоле- ньскѣ Немьчицю съ Смолняниномь, соудити я Смолѣньскомоу князю, TO уже TO и тяжи и коньць. Аже кто оуръветь бороды Смолпянину въ Ризѣ или на Гътьскомъ бѣрѣзѣ, или Смолнянинъ Немьчицю, томоу оурокъ 3 гривны сѣрѣбра. Оже оуръвѣть Немьчиць бороды Смолняниноу Смольньскѣ, дати емоу 3 гривны сѣрѣбра. Оже оуръвѣть бороды Немьчиць бояриноу, или коуноемьчи, дати емоу 5 гривенъ сѣрѣбра. A како боудѣть Немьчьскыи гъсть Смоленьскѣ.а почьнѣть ся кто от нихъ просити в ыноую землю, то како то было примоемь ощи, приМьстиславѣ при Романовици, и при моемь братѣ при M ь с т и с л а в ѣ, о немъ ся прашати, а мнѣ e по доумѣ поущати. Аже оубьють тивоуна княжа, городьского, 20 гривенъ сѣрѣбра, како и послоу. Оже имоуть Роусина вольного oy вольное жены въ Ризѣ или на Гътьскомь бѣрѣзѣ, оже оубьють, и тъть оубитъ; пакы ли не оубьють, платиит ему 3 гривны сѣрѣбра; такоже и Немьчицю Смолиньскѣ. Аже оучинить Роусинъ насильевъ Ризѣ или на Гътьскомь бѣрѣзѣ надъ вольною женою, а дотоле не слышати было до нее лихого, оурока за то 10 гривенъ сѣрѣбра; такоже и Немьчицю Смоленьскѣ. Аже оучинить Роусинъ насилье надъ робою въ Ризѣ или на Гътьскомь бѣрѣзѣ, платити емоу за соромъ гривну сѣрѣбра; такоже и Нѣмьчицю Смоленьскѣ. Тоже есмь с вами рядъ свои доконьчалъ про свое моуже и про свое Смолняны. Аже въедеть братъ мои который въ Смолньскъ, а оучинится вам свада съ их моужьми, вамъ ся вѣдати с ними самѣмъ; или гость ис которое земле приедеть въ мои Смолнь­скъ, а боудѣть вы с нимь свада, а вѣдаите ся с ними сами.

<< | >>
Источник: M. Н. ТИХОМИРОВ. Пособие для изучения Русской Правды. Издательство Московского университета, 1953. 1953

Еще по теме ПРОЕКТ ДОГОВОРА СМОЛЕНСКА C НЕМЦАМИ ПОЛОВИНЫ XIlI BEKA:

  1. ПРОЕКТ ДОГОВОРА СМОЛЕНСКА C НЕМЦАМИ ПОЛОВИНЫ XIlI BEKA
- Авторское право - Аграрное право - Адвокатура - Административное право - Административный процесс - Арбитражный процесс - Банковское право - Вещное право - Государство и право - Гражданский процесс - Гражданское право - Дипломатическое право - Договорное право - Жилищное право - Зарубежное право - Земельное право - Избирательное право - Инвестиционное право - Информационное право - Исполнительное производство - История - Конкурсное право - Конституционное право - Корпоративное право - Криминалистика - Криминология - Медицинское право - Международное право. Европейское право - Морское право - Муниципальное право - Налоговое право - Наследственное право - Нотариат - Обязательственное право - Оперативно-розыскная деятельность - Политология - Права человека - Право зарубежных стран - Право собственности - Право социального обеспечения - Правоведение - Правоохранительная деятельность - Предотвращение COVID-19 - Семейное право - Судебная психиатрия - Судопроизводство - Таможенное право - Теория и история права и государства - Трудовое право - Уголовно-исполнительное право - Уголовное право - Уголовный процесс - Философия - Финансовое право - Хозяйственное право - Хозяйственный процесс - Экологическое право - Ювенальное право - Юридическая техника - Юридические лица -