ПОДЛИННИК ТЕКСТА: РУССКАЯ ПРАВДА КРАТКОЙ РЕДАКЦИИ (ПО АКАДЕМИЧЕСКОМУСПИСКУ). ПРАВДА РОСЬКАЯ.
1. Убьет муж мужа, то мьстить брату брата, или сынови отца, либо отцю сына, или брату чаду, либо сестрину сынови; аще не будеть кто мьстя, то 40 гривень за голову; аще будет русин, либо гридин, либо купчина, либо ябетник, либо мечник, аще изъгои будеть, либо Словении, то 40 гривен положити за нь.
4. Аще утнет мечом, не вынем его, либо рукоятью, то 12 гривне за обиду.
19. Аще убиют огнищанина в обиду, то платити за нь 80 гривен убиици, алюдемне надобе; а в подьездном княжи 80 гривен.
20. Аще убиют огнищанина в разбои, или убийца не ищуть, то вирное платити, в ней же вири голова начнет лежати.
25. А в рядовници княже 5 гривен.
26. А в смерде и в холопе 5 гривен.
33. Или смерд умучать, а без княжа слова, за обиду 3 гривны; ; а в огнищанине, и в тивунице, и в мечници 1 гривьне.
38. Аще убьють татя на своем дворе, либо у клети, либо у хлева, то той убит; аще ли до света держать, то вести его на княжь двор; а, оже ли убьют, а люди будут ведели связан,
то платити в немь.
39. Оже сено крадут, то 9 кун; а в дровех 9 кун.
40. Аще украдут овьцу, или козу, или свинью, а их будет 10 одну овьцу украле, да положать по 60 резан продажи; а хто изимал, тому 10 резан.