Литовський статут 1588 року (Витяги)
РОЗДЕЛ ПЕРВЫЙ О персоне нашой господарской.
Арт. 22. О врядниках дворных, воєводах, старостах украинных, и людях служебных, же се с права вымовляти не мають. Забегаючи мы господар продолъженью справедливости людъское, уставуем, иж врядники наши дворные панове печатари, маръшалъки, под- скаръбие, писари, секратари, и вси иные врядники, и слуги наши дворные, так же воеводове, старостове украинъные, и теж люди служебные езные, и пешие, в полю и на замъкох будучие, которые без рушенья посполитого за пенези служать, так ротьмистры сами, яко и товаришы их будучи з именей своих, до которого ж кольвек вряду, або и перед маестат наш водле права позвани, под часом покою в князстве литовъском не мають, и не будуть мочи з отказу правного забавою, таковых служб своих вымовляти се, и мы господар таковых листы нашими от права вызволяти не маем, але кож- дый з них повинен будет поступком, правным, або сам або через умоцованого своего за позвы становитисе и усправедливяти, вы- нявшы тых, которые на службе речы посполитое, або посельством в справах земъских забавены будуть, што он по звороченю с тое послуги на перших рокох будучи позваный, явне оказати и успра- ведливитисе на другую послугу не отъеждаючи маеть.
А естли бы на тых других рокох того значне водле права, ижь на послузе таковый был не оказал. А то ку зволоце стороне учинил, тогды вжо на тых рокох вторых яко на року завитом суд тот неприпускаючи стороны позваное ку отводу, сторону поводовую ку доводу припустивши, тую реч о што позвано на упад на нем всказати за доводом водле права и сего статуту маеть.Арт. 31. О прочищенью рек порътовых. Обачаючи пожиток не меньший людей народу шляхетьского, так же и мест наших головных до которых бы се латвей живности и иные потребы спустом воденым спровожати могли, уставуем, иж естли бы в котором краю в том паньстве нашом великом князстве литовском река портовая была которою бы до мест наших головных спуст быти мог, а прочищенья бы потребовала, тогды старостове и державны добр наших, где такая река через кгрунты наши идеть, поддаными нашими повиньни будуть оную реку вычистити, и порът направити, так якобы се ею комяги, витины, судна воденые, и плоты дерева на будованье, и на дрова годного без завади проходити могли, потому ж и вси станы так духовные, яко светъские от навышшое аж до низъшое особы повинъни будуть заховатисе, и таковые реки портовые через именье и кгрунт их идучие вычищати и направовати, ако се вышей поменило, кгды ж то не без пожитку их будеть, бо што бы мел на сту подводах до места нашого головного живности от выхованья его зосталые, для продажи послати, то може судном воденым путем через колько человека отъправити.
А хто пущи свои над порътом маеть пущаючи дерево на будованье, и на дрова годное, великий пожиток себе прибавить, а где бы через именье спольное таковая река шла, а один бы участник, або и колко их, хотели бы тую реку до спусту выправити, а другие бы учасники их до того одному або колько их до помочи и довычищеня таковое реки причинити се нехотели, тогды тые которые вычищать, мають там подъкоморого поветового вывести. А подъкоморий мает тот наклад их за доводом слушным ошацовати, и нам то на листе своем ознаймити. А мы господар маем тому або тым особам, которые то реку вычистять за наклад их дать мыто выбирать, от тых которые тою рекою збожъе и инъшые товари спущати на продажу будуть, ведъже потуль того мыта им позволити маем, поки наклад свой на тое вычищенье реки учиненый выберуть.Арт. 34. О недаванью двох достоеньств, або врядов одной особе. За прозбою всих станов великого князства литовъского, бачечы мы господар с лепъшим пожитъком и озъдобою речи посполитое кгды ж дыкгнитарство и вряды два судовые одной особе даваны не будуть, про то уставуем и мети то хочем и полнити обецуем, што ж одной особе бы назацнейшой и назаслуженшой двух дыкгнитарств влавицы рады нашое так теж двух врядов земъских и дворным и староств судовых от сего часу, и на вси потомные часы давати не маем, а хто бы якоеж кольвек дыкгнитаръство вряде нашой, албо вряд дворъный земъский, будь теж староство судовое против сего статуту одержал, такового владзы ни хто подлечи не бутеть повинен, и о въшем хто кольвек его перед нас господара на сейм позовет тогды на первшом року яко на завитом стати маеть, и станеть ли або не станеть, мы господар там жена том року оного дыкгни- тарства албо вряду судового, о который будеть позван, отъсуди- ти маем, а инъшому дать; а тому хто о то его позоветь, тот же по- званый сто коп грошей заплатити повинен будеть и то на маетности его отъправлено быти маеть...
РОЗДЕЛ СЕМЫЙ
О записех и продажах.
Арт. 8. О записех людей простых полных похожих и на аренды даных.
Уставуем, иж естли бы который человек вольный похожый задал ся за которого пана, а тот бы пан маетностю своею запо- моженье якое ему учинил, а оный бы чоловек на тую маетьность от пана взятую лист запис свой добровольный з обовязки в нем описаными под печатми трех шляхътичов веры годъных дал, лаковый запис у права за моцный и слушний приймован быти маеть. Ведъже люди отчызные отъшедши от панов своих и за инъшых панов задавшися хотя бы таковыми описы вышей меноваными обо- везалися, тогды такие записы у права приймованы быти не мають, и за ними тот кому се опишуть одержати ничого не можеть, потому ж и на аренды мыт коръчом, млынов, робот лесных, и иных пожитков записы даные яко се у верху того артикулу описала у права за слушные приймованы быти мають.РОЗДЕЛ ДЕВЯТЫЙ
О подъкоморых в поветех и о правах земленых,
о границах и о межах.
Арт. 27. В чужого человека не маеть нихто земли закуповати без воли пана его. Уставуем иж в бояр и в людей простых княжских паньскихь и земяньских нихто земли закуповати, а ни на лето ку паханью наймовати немаеть без воли пана его, а еслиж бы хто в чужого чоловека землю без воли пана его закупил або нанял, и што на ней посеял, тогды тое сеянье и пенези тратит. А тот чоловек чия земля маеть без откладанья пенезей свою землю ку своим рукам взяти а он на том чоловеце его в которого будеть землю закупил або нанял и на паручнику через чые руки будеть пенези давал искати не маеть, для того иж он то учынил над тую уставу так же и самого чужого чоло- века жоны и детей его немаеть нихто закуповати и наймовати, без воли пана его, або врядника под утраченьем найму.
Арт. 28. О поруках людей простых. Уставуем, иж бояре панъцер- ные путные и люди простого стану не мают без ведомости и дозволенья листовного панов своих никому по речах великих ручити однож волно им будеть хотяж без ведомости панов своих ручыти в речах ровных, то ест надалей до чотырех коп грошей и хотя бы един чоловек и по розных людей ручити хотел перед се так маеть ручити якобы чотырох коп грошей неперевышало.
РОЗДЕЛ ОДИНАДЪЦАТЫЙ
О кгвалтех, о боех, о головщинах шляхетских.
Арт. 27. О головщинах охроменью члонков, и о новезках шляхет- ских.Хто бы шляхтича на смерть забил, або яким кольвек обычаем о смерть прыправил, а в том бы справа водлуг сего статуту винен зостал, тогды за того забитого при инъшом каранью в сем статуте водлуг учинку описаном маеть быти годовщины плачоно сто коп грошей, а хто бы за се обычаем окрутенства згоръдевши зверх- ностью нашою господарскою и правом посполитым, а сам свово- леннъства и срокгости уживаючь и паствечисе над ким, а кгвал- товне по воли его собе маючи, которому шляхтичу або шляхътянце руку, ногу, нос, ухо, губу утял або урезал, так же бы праве проч который с тых члонков отъпал, або бы око зубы вытял, албо выбил адбо на око ослепил а в том бы с права винен зостал тогды наследу- ючы в том права божего, уставуем иж за таковый кождый члонок утятый або урезаный або выбитый тому хто в том винен застанеть, маеть теж таковый члонок утят и урезан або выбит быти, а за вину такого окрутенства и своволенъства и за наклад правный стороны жалобной пред се будеть винен за такий кождый члонок стороне жалобной по пети десят коп грошей платити. А естли бы обе две руки, ноги и оба два уха утял або обе две ока вытял, або выбил, тог- ды теж противная сторона правом переконаная такое ж каранье и на таких же члонках з нагородою сумы пенежное яко вышей описано, маеть с права от вряду отнести, а естли бы палец або колко их у руки або ноги утял, тогды и за то такое ж ровное каранье винному чинено будеть, а заплата пенежная за кождый палец утятый маеть быти по двадъцати коп грошей. Пакли ж бы который с тых мено- ваных члонков не был утят так же бы проч отпал, але бы с того зра- ненья был так вельми охромей же бы им до году владнути не мог, тогды за таковое охроменье за кождый члонок, руку, ногу, ухо, губы по пятьдесят коп грошей заплатити, а за палец охроменый такеж двадцать коп грошей заплатити маеть. А естли бы хто кого в голову ранил, с которое бы раны реч замкнул, хотя бы ся и выгоил и жив зостал але бы вжо потом мовити не мог, тогды тому маеть сто коп грошей яко головщизну виноватый заплатити, а за вину у везенью в замку або дворе нашом судовом где ся што станеть на дне у вежи шесть сажон в земли пол года седети.
За рану крвавую в голове, с которе бы кости выбирано тридцать коп грошей, за рану облич- ную сорок коп грошей. А хто бы теж кого умильне на зелживость стану шляхесткого кием, кестенем булавою альбо пугами, дубцы, и иншими приправами бил альбо бити казал, за таковый кождый бой и зельживость мает быти навезки плачоно сорок коп грошей, а еще для такое раны в голове до выбиранья костей и через твар даное так же для битья кием, пугами, дубцы и инъшими приправами за вину такового зуфальства и своволенства в замку албо в дворе нашом судовом того ж повету где о то право будет дванадцать недель на дне у вежы седети и за инъшие раны якою кольвек бронью железною, звычайною кубою задание навезки двадцать коп грошей платити. А к тому шесть недель у везенью в замку албо дворе нашом судовом седети, а хто бы поличок кому дал, або бороду або волосы рвал таковый за то дванадцать рублей грошей платити й у везенью три недели седети маеть, а белым головам шляхътян- кам яко головщина так и навезка совито маеть быти сказывана, так же и везеньем совитым карано, тымже обычаем духовным особам всякого набо-женства хрестиянского и их жонам и детям их которые з венъчальных жон походять маеть быти головщизна навез- ка и нагорода за охроменье на члонъках, так яко и людем народу шляхетъского. А тое везенье в сем арътыкуле на винъных описа- ное маеть быти выконывано заразом скоро по сказанью врядовом. Пакли ж бы што с тых речей веръху менованых один другому учы- нил не умыслне, не обычаем окрутеньства, але в зваде с припадку и в том бы с права винным был найден, тогды таковый и за вътятье або выбитье члонку каранья на теле своем относити не будет, але только виною пенежною и везеньем таким яко вышей описано каран быти маеть.Арт. 39. О каранью людей стану простого за забитье шляхъти- ча. К тому уставуем естли бы люди простого будь стану наши господарские або князъские панские земянские бояре панцерные путные мещане або люди тяглые забили шляхътича або шляхътянку, тогды колко их будеть через сторону жалобную перед правом обвинено и поступком правным...
того на них доведено, мають вси горлом карани быти. А вед же и таких людей простых вышей трех чоловеков за одну голову шляхетскую карано быти не маеть. А то ся маеть розумети о забийстве в зваде учиненом, а где бы люди простого стану умысльне кгвалътом на дом альбо на господу шля- хетъскую нашодши або на дорозе умысльне заступившы шляхъти- ча забили, таковые за доводом слушным тые вси на которых сторона поприсягнеть горлом караны быти мають а где бы хто с тых станов простых верху менованых шляхътича або шляхътынку збил, зранил, таковый утятьем руки каран быти маеть, а естли бы руку ногу утял, або на яком ином члонку охромил за то маеть горлом каран быти.РОЗДЕЛ ДВАНАДЦАТЫЙ
О головщинах и о навезках людей простых и о таких людех и челяди, которая от панов своих отъходить;
также и о слугах приказных.
Арт. 1. О забитью человека простого стану от шляхтича. Повстегаючи мы господар своволенства изуфальства людские которые ся што от часу в людех неповтегливых без всякое боязни божое оказують с чого и кров невинъную людскую не встыдливе и невинее в надею заплаты за нее пенежное разливають и тым не менш пана бога ку гневу на реч посполитую побужають, уставу- ем если бы который шляхтич з зуфалъства з опилства и без данья причины свовольне умысльне легце поважаючи право посполитое а паствечися над створеньем божим чоловека простого стану не шляхтича забил, а был бы пойман на горячом учинку в часе вышей в сем статуте на горячий учинок замероном, таковый шляхтич за слушным доводом маеть быти горлом каран кром головщизны. Вед же довод на шляхтича в такой речи не инакший быти маеть толко если его сторона жалобная при забитом з шестьми светками з людьми добрыми веры годными и неподойзреными сам семый поприсягнеть межи которыми шестьма светки мають быти два шляхтичи веры годные и не подойзреные, тогды за таковым доводом тот шляхътичь маеть быти горлом каран. А если бы шляхти- чов ку доводу такому не мел, тогды кгды и простого стану с трема светками жалобник присягнеть, шляхтичь вжо толко головщизну платити винен будеть, нижли если бы тот шляхътич поведил иж бы с причины и за початком того забитого в обороне будучи до того примушон то учинил, и брал бы се в том ку отводу, тогды то ему маеть быти допущоно, а вед же тым обычаем маеть быти кгды само треть присягнеть з двема шляхтичами, а хотя бы и не шляхътою толко бы людьми веры годными и не подозреными, та- ковый маеть быти волен от горла и от головщизны. А где бы се то показало же тот шляхътич будучи и перед тым неспокойным свовольне то учинивши толко сам один брал се ку присязе без таковых светков, тогды то ему ити не маеть, але пред се за доводом зуполным стороны жалобное яко ест вышей описано маеть быти каран горлом, паклиж бы жалобная сторона не маючи зуполного доводу такого яко ся вышей поменило, але толко само втора або само третя того шляхтича поприсягнути хотела менуючи быти иж се то на без людьи стало, тогды вжо пред се тот шляхтичь близжи будеть 3 своим доводом отъприсягнутися иж то не умысльне але примушоный у вобороне учинил, а естли бы теж и шляхтичь свет- ков к присязе не мел, а толко сам присегнути хотел то вжо сторона жалуючая близшая будеть само треть з собе ровными толко люд- ми добрыми и неподозреными при забитом иж не за початком его одно безъвинне забит присегнути, а тот шляхтичь обвиненый за таковым незуполным доводом горла не тратит, толко головщизну водле стану его заплатити будет повинен. А где бы теж шляхтичь таковый не был на горачом учынъку пойман, тогды пред се будучи потом до права водле сего статуту притягнен, маеть за доводом слушным за забитого годовщину платити и шкоды которые бы ся в тот час стали так же за слушным доводом оправити.
Арт. 2. О мужобойстве межи людьми простого стану.Теж уста- вуем, естли бы чоловек простого стану другого чоловека теж простого стану нешляхътича на смерть забил, тогды за доводом стороны жалучое при поступках правных в сем статуте описаных и за присегою стороны поводовое само третего сторона обвиненая горлом карана, а головщизна з маетности его рухомое водле стану его заплачона быти маеть тому кому водле права належати будеть.
Арт. 3. О головщизных и навезках людей простого стану. Панъцерному слузе шестьдесят коп грошей, путному слузе пятьдесят коп грошей, бортнику сорок коп грошей. Тяглому чоловеку двадцать пять коп грошей. Челяднику домовому, отъчизному або полоненику двадцать коп грошей. А жонам их совито годовщина. А навезка им: панъцерному слузе шесть рублев грошей. Путному слузе три рубли грошей. Бортнику два рубли грошей. Тяглому чо- ловеку две копы грошей. Челяднику домовому отъчизному и полоненику копу грошей. А жонам их совито. А жонце которая мужа немела и немаеть, навезки полтина грошей, а головщизны двадцать коп грошей.
Арт. 5. О головщиках ремесных людей. Золотару, огранисте, пуш- кару, гафтару, малерови, соколнику, машталеру, кравцу, гафтарце, ковернику, ткачу, слесару, столмаху, дойлиде, ковалю, столяру, псар- цу, возници, муляру, шевцу, гончару, тым всим годовщины по тридцати коп грошей, а навезки по три рубли грошей а жонам их совито потому ж и инъшим ремесником которих тут не написано маеть быти плачоно яко и тым вышей менованым а жонам их совито.
Арт. 6. О головщизнах и навезках мещанских мест упривилье- ваных и менших. В местех упривильеваных наших господарских и князских панских в которых ся судять правом Майдеборским а не мають привильев на навезку шляхетского права войту, бурмистру, лавнику, писару, головщизны по пятьдесят коп грошей, навезки войту, бурмистру, лавнику, писару десеть коп грошей а жонам их так годовщина яко и навезка совито, вед же тым жонам которые ся сами шынком небавять а которые шынкують сами тым яко иного простого мещанина жоне, мещанину таких мест что под Майдеборским правом годовщины тридцать коп грошей, навезки пять коп грошей, а жонам их совито.
А если бы в котором месте таком войт бурмистр лавник або писар был шляхътич з роду або за упривильеваньем нашим господарским а не бавил бы ся шинком и ремеслом..., таковому головщизна и навезка маеть быти шляхетская и жонам их совито. В местечках меньших где права Майдеборъского нет, войту лавнику годовщины тридцать коп грошей, а навезки пять коп грошей, а жонам их сови- то, мещаном таких мест менших годовщины двадцать чотыри копы грошей, а навезки три копы грошей, а жонам их совито, шинкарце навезки пятьдесят грошей, а годовщины двадцать коп грошей.
Арт. 11. Чоловек вольный за кождый выступ в неволю выдан быти немаеть.Теж уставуем, иж чоловек вольный за жаден выступ неволю вечную выдан быти не маеть, а естли бы в суме великой был выдан маеть с тое сумы выробливатися, а выпуску на кож- дый год мужику рубль грошей а жонце копу грошей. Ведже одежа и корм от того маеть быти давана кому хто выдан, и если ж бы с тое сумы выслужитися до смерти немог, а будет ли мети дети подърослые до послуги и роботы годные, тогды дети его мають с тое сумы выроблятися ведже не далей одно через сем лет а выпуску детем потому ж маеть быти яко о том вышей описано, а закупным людем тым же обычаем з сумы пенежное выпуск быти маеть то ест тым водным которые бы ся сами в чом запродали.
Арт. 12. О чоловеку отчизном. Кгды бы который чоловек от- чызный будь боярин панъцерный, путный або тяглый чоловек отчыч прирожоный або купленый выслужоный и яко кольвек на- бытый отъшодчы от пана своего а заложившы се за кого не далеко в пети або в шести милях домом а не по наймом ходечы мешкал, а тот бы пан его ведаючи о нем не искал его и давность земъскую десеть лет промолчал тогды вже о того чоловека маеть вечне молчати.
Паклиж бы тот чоловек отъчизный отшедши от пана своего и мешкал далеко в десет або в колко десят миль, а пан его о нем ведаючы а через двадцать годов не пойскивал его тот вжо вечне о того чоловека молчати маеть, а где бы тот пан о том чоловеку где далеко домом мешкаючом не ведал, а тот чоловек мешкавши далеко и хотя давность тую двадцать годов там заседевши або и не- заседивши за ее ближей ку именью пана своего пришол и перемеш- кивал поблизу такового водно будет кождому шляхтичу за отчыча правом доходити толко бы давности земское не омешкал от того часу як ближей прийдет; ведже челед дворная отчызная або полоненая которая бы панов своих утекла против тое паном их а ни далекость местъца а ни давность помененая ку отысканью правом слушным вадити и перекажати не маеть против самых и детей их.
Арт. 13. О заведенью давности чоловека прихожого волного. К тому уставуем ести бы который чоловек стану простого боярин або тяглый будучи водным похожим а не отчичом чыим зашед- шы за кого князей панов шляхты будь запоможенье от того пана взявшы або не взявши а десет лет за тым паном заседел, таковый чоловек, або дети его похочут ли прочь отыйти повинни будуть отькупитися з службы десетьма копами грошей, и то все што бу- деть у пана того своего запоможенье взяли заплатити. Вед же естли бы такий чоловек або его дети хотя по заседанью десетилет от того пана без ведомости пана своего проч утекли, а тот пан их до десети лет по отыштью их за отчычов их неискал, то теж вжо такий чоло- век за ся волным застанеть. А где бы ближей десети лет пан такого збега где постигнул тот вжо маеть быти сказан и присужон тому пану за отчыча.
Арт. 14. О подъданых отчизных челеди дворной отчизной купле- ной або полоненой, так же и о слугах приказных и людях прихожых которые от панов своихутекаютъ. Уставуем если бы который чо- ловек отчизный материстый спадковый непохожий албо купленый даровный выслужоный и яко кольвек набытый або челедин двор- ный отьчизный куплений або полоненик мужеского и женского рожаю от пана своего утекши за кого иного зашол, а оный пан за кого такий збег зайдет будучи от того пана чый чоловек челедин дворный утек врядовне напомнен... о выданье его, або о учыненье з ним справедливости таких збегов невыдал и справедливости з ними водлуг сего права посполитого неучинил, ино позваный повинен будеть сам або через умоцованого своего у права яко на року завитом стати, и того або тых збегов колко их будеть у права поставити. А жалобник за станьем стороны позваное ку праву або через прокуратори, и за призваньем до тых збегов з очевистого мовенья правного доведет ли того, же тот чоловек або челядник албо колко их будеть суть его властъные, тогды позваный будеть повинен ему оного чоловека або челядь з жонами з детьми и зо всею маетностью их вернути и за омешканье службы тых людей навезки за кождую неделю от кождое головы мужъское и женьское по шести грошей заплатити, а то навезку тую личачи и рахуючы от заложенья позву.
А естли бы позваный по сказанью врядовом таких збегов от- дати со всим яко суд скажет не хотел, тогды винен будеть за них самых жон и дети их головы яко за головщизну водлуг описанья сего статуту, а за маетность тых збегов и зо вастные шкоды того самого жалобника если бы якие тые збеги учынили на чом довод слушный учинить з навезкою заплатити, так же и за омешканье роботы навезку верху мененую дати...
Арт. 21. Невольники якие быти мають.Невольники вперед не мают быти з инъших причин одно полоненики, а инъшая челядь невольная и теж дети потомъки полонеников мають быти осажи- ваны на землях и розумены быти за отчичов, а татарские невольники мають быти осаживаны на их землях.
Арт. 23. Если бы слуги за росказанъем паньским злодея албо якого злочинцы пана своего гонити и имати не хотели. Кгде ж се под час трафляеть же слуги за росказаньем панов своих злодея и иных злочынцов паньских имати и гонити не хотять, даючи тую причину, иж сами панове не гонили, албо чынечы тым вымову, же ся ему не годить на ката гонити. В чом людем злым не только фолкгу але и великую оборону тым чынили або рук уходили тых которые их поймати могли, для того уставуем иж который бы кольвек слуга за росказаньем пана своего злодеев албо злочынцов которых кольвек пана своего гонити албо имати не хотели, таковыи сам если шляхътич седети винен на замку нашом шесть недель, а нешляхъти- ча водлуг важности выступку пану карати водно. А если бы хто тым слугам которые гонили, албо поймали злочынцу якого уругаючи што ущыпливого задавал, то им ничого шкодити немаеть, але тая примовка на оном самом который примовлял зоставати будеть.
Арт. 24. О лезных и от тых которые будучи без службы и неоселы- ми до мест наших господаръских князских и паньских приходят. Иж некоторые люди звикли от панов своих не оповедавшы се а ни отъставшы и еще зашкодивши проч отьходити. Про то уставуем або кождый слуга и челядник водный, служачы кому одко колвек маеть отходечы проч от пана своего взяти лист пана своего отвороный под печатью и с подъписом руки пана своего хто бы писати умел и под печатью другого шляхътича с таковым осветьченъем и ознайменьем в оном листе всим в обец иж тот слуга албо челядник служывши ему отстал от него учетиве, а за таковым листом тот слуга албо челядъ- ник увезде добровольне пропущан будеть. А где бы который пан слуги або челядника своего водного отпустити и листу ему токового дати не хотел, тогды тот слуга або челядник таковый маеть з возным и стороною отпущенье пана своего просити, пакли бы и за тым прошеньем упорне без слушных причын отпустити его не хотел, тогды тот слуга албо челядник на вряде нашом где на наблизшом опове- дати и до книг то собе записати дати маеть, и взявши того опове- данья и сознанья возного выпис с книг, и оповедавшыся пану своему маеть пойти проч, а тым вжо увезде щититися волен будеть, а для того кождый чоловек будучи и без службы коли где и до которого колвек места и местечька придеть албо приедеть мает ся оповедати врядови тому будь нашому господарскому або князскому, паньско- му и земяньскому даючы о собе справу хто и от куль ест кому служил и в которую сторону берется, и кгды таковый приходень от куль кольвек до которого места албо местечька прийдеть и до дому чыего увойдеть, тогды господар дому того заразом того ж дня а не далей на завтрее врядови своему оповедати его и кождого гостя незнаемого повинен будеть под виною на вряд копою грошей, а за таковым поступком водно пропущен мыти маеть. А где бы который таковых особ до якого ж кольвек места албо местечка пришедши хотя има- ючы о собе сведцство пана своего, а не оповедавшыся врядови там перемешкивал, тогды вряд тот взяши о нем ведомость маеть его поймавши в пута железные на две недели оковати и до роботы приставити, а на господару том который его утаил вины собе справити копу грошей, а который бы без сведецства пана своего албо вря- дового до которого места албо местечка пришол и не был бы того краю обывателем, тогды у везенью до трех недель от вряду задержан а потом выведавшися от куль и куды ити хочеть пущон быти маеть, а про то так вжо на вси потомные часы мети хочем або кождый господар домовый наймита роботега и наймичку свою в местех наших господарских перед цехом где ест право Майдеборское а где права Майдеборского нет ино в таковых местечьках наших, князских паньских и земянъских вряду тому под которым тот господар пере- мешкиваеть о них самых и о жытью их ведомость чынити, и рейстру врядового вписати повинни будуть, але з них таковых которые без службы живучи и всякою работою не бавятся на костырстве и пьянстве час свой травять, нигде их жаден вряд терпети не маеть, але таковых кождого стану по упомненью первшом, и втором, а за тре- тим дубцы бьючи вон з мест и местечок выганяти казати повинен будеть, а господар домовый который бы в дому своем по заказе и на помненью врядовом такового переховывал винен будеть врядови своему вины две копы грошей заплатити.
Хрестоматія з історії держави і права України. В 2 т. Т. 1. З найдавніших часів до початку XX ст. Київ : Ін Юре, 1997. С. 124 -134;
Історія державної служби в Україні : у 5 т. Т. 3: Документи і матеріали. V ст. до н.е. - 1774 р. К. : Ніка-Центр, 2009. С. 238 -257.